Á döfinni  / Fréttir

​​​​​​​​​​Leshópur Kakalaskála

 

Sunnudaginn 3. nóvember ætlar leshópur Kakalaskála að hefja lestur á Egils sögu Skallagrímssonar. Lestur hefst kl. 10:30 og lýkur kl. 12:00. Lesið verður alla sunnudaga, á sama tíma, til 8. desember. Allir velkomnir og engin skylda að mæta alltaf. Egils saga Skallagrímssonar (Egla) er ein elsta svokallaða Íslendingasagan, talin vera samin á 13. öld. Aðalpersóna sögunnar, Egill Skallagrímsson, er 10. aldar vígamaður og sjóræningi (víkingur), bóndi og skáld. Margir atburðir gerast í Noregi og fjalla um Kveldúlf afa Egils og syni hans Þórólf og Skallagrím, föður Egils, sem stóðu í stórræðum, um búferlaflutninga þeirra til Íslands og búskap Egils, sem ólst upp og bjó á Borg á Mýrum. Hann varð allra karla elstur, samkvæmt sögunni, fór ungur í víking og ferðaðist um Norðurlönd, Eystrasalts- og Ermsundslönd og átti í deilum við merka jafnt sem ómerka menn.​​​​​

​

Opið samkvæmt samkomulagi frá 1. september 2024 // Open by appointment from the 1st of September 2024​

​​​​​

Sögu- og listasýning með hljóðleiðsögn. Kaffi alltaf í boði, en panta þarf meðlæti fyrirfram. Vinnustofa Maríu með alls konar gamalt og nýtt. Opið samkvæmt samkomulagi frá 1. september 2024. Leigjum einnig út skálann fyrir veislur, fundi og alls konar samkomur, t.d. tónleika. Hægt að panta mat. Öll velkomin, hlökkum til að taka á móti ykkur. Allar nánari upplýsingar hjá Maríu í síma 8658227 og hjá Sigurði í síma 8992027. Heimilisfang: Kringlumýri, 561 Varmahlíð. // Story and art exhibition with audio guide. Coffee always available, and pastries if ordered beforehand. María's workshop with all kinds of old and new. Open by appointment from 1st of September 2024. Our place can also be rented for all kinds of gatherings, f.ex. concerts. We can serve food. All welcome. We look forward to meeting you. For more information call María +354 8658227 or Esther +354 6708822. Address: Kringlumýri, 561 Varmahlíð.

​

Vefnámskeið fyrir grúskara!

​

Vefnámskeiðið Á Sturlungaslóð er til sölu á vefsíðunni https://sturlungaslod.is/.

Einar Kárason, Óttar Guðmundsson, Sigríður Sigurðardóttir og Sigurður Hansen

fara í gegnum Sturlungu með sínu lagi.

Tilvalin gjöf fyrir grúskara!